ਇੱਜਤ ਅਹਤਿਰਾਮ ਇਕ ਅਫਜਲ ਗਹਿਣਾ ਏ
ਸਾਂਭ ਕੇ ਰੱਖਣਾ ਇਹਤਿਆਤ ਨਾਲ
ਨਹੀਂ ਮਿਲਦਾ ਇਹ ਦੁਨੀਆਂ ਦੀ ਸਾਰੀ ਦੌਲਤ ਨਾਲ
ਇਹ ਪਾਕੀਜਾ ਕਰਮ ਨਾਲ ਹੀ ਰਹਿਣਾ ਏ
ਇੱਜਤ ਅਹਤਿਰਾਮ ਇਕ ਅਫਜਲ ਗਹਿਣਾ ਏ ।
ਪੁੱਤ ਆਪਣੇ ਮਾਂ-ਬਾਪ ਦੀ ਇੱਜਤ ਵਾਲੇ ਘਰ ਦਾ ਚੌਕੀਦਾਰ ਏ
ਧੀ ਆਪਣੇ ਮਾਪਿਆਂ ਦੀ ਚੁੰਨੀ ਤੇ ਦਸਤਾਰ ਏ
ਸਾਂਭ ਕੇ ਰੱਖਣਾ ਤੁਸੀਂ ਤੁਹਾਡੇ ਸਿਰ ਇਕ ਵੱਡਾ ਭਾਰ ਏ
ਇਹ ਭਾਰ ਚੁੱਕਣਾ ਹੀ ਪੈਣਾ ਏ
ਇੱਜਤ ਅਹਤਿਰਾਮ ਇਕ ਅਫਜਲ ਗਹਿਣਾ ਏ ।
ਕਰ ਹਰ ਸੁਪਨਾ ਪੂਰਾ ਪੂਰੀ ਸ਼ਿੱਦਤ ਨਾਲ
ਮੰਜਿਲ ਆਪਣੀ ਪਾਉਣ ਲਈ ਜੱਦੋਜਹਿਦ ਵੀ ਤੂੰ ਕਰ
ਪਰ ਖ਼ਲਕਤ ਵਿੱਚ ਰਹਿਕੇ ਨਾਪਾਕ ਹਰਕਤ ਨਾ ਕਰ
ਯਾਦ ਰੱਖੀ ਇਸ ਸੰਸਾਰ ਦਾ ਹਿਸਾਬ ਤੈਨੂੰ ਦੇਣਾ ਪੈਣਾ ਏ
ਇੱਜਤ ਅਹਤਿਰਾਮ ਇਕ ਅਫਜਲ ਗਹਿਣਾ ਏ
ਸਾਂਭ ਕੇ ਰੱਖਣਾ ਇਹਤਿਆਤ ਨਾਲ
ਨਹੀਂ ਮਿਲਦਾ ਇਹ ਦੁਨੀਆਂ ਦੀ ਸਾਰੀ ਦੌਲਤ ਨਾਲ
ਇਹ ਪਾਕੀਜਾ ਕਰਮ ਨਾਲ ਹੀ ਰਹਿਣਾ ਏ
ਇੱਜਤ ਅਹਤਿਰਾਮ ਇਕ ਅਫਜਲ ਗਹਿਣਾ ਏ ।
ਅਪਣੇ ਪਿਆਰਿਆਂ ਨਾਲ ਵੀ ਕਦੇ ਕੁਝ ਪਲ ਜੀਅ ਲਿਆ ਕਰ
“ਪ੍ਰੀਤ ” ਦੁੱਖ ਸੁੱਖ ਕਰ, ਕੁਝ ਸੁਣ ਲਿਆ ਕਰ ਕੁਝ ਕਹਿ ਲਿਆ ਕਰ
ਇਹ ਸਮਾ ਮੁੜ ਵਾਪਿਸ ਨਹੀਂ ਆਉਂਦਾ ਨਾ ਹਮੇਸ਼ਾ ਖੁਸ਼ੀਆਂ ਖੇੜੇ ਰਹਿਣਾ ਏ
ਇੱਜਤ ਅਹਤਿਰਾਮ ਇਕ ਅਫਜਲ ਗਹਿਣਾ ਏ
ਸਾਂਭ ਕੇ ਰੱਖਣਾ ਇਹਤਿਆਤ ਨਾਲ
ਨਹੀਂ ਮਿਲਦਾ ਇਹ ਦੁਨੀਆਂ ਦੀ ਸਾਰੀ ਦੌਲਤ ਨਾਲ
ਇਹ ਪਾਕੀਜਾ ਕਰਮ ਨਾਲ ਹੀ ਰਹਿਣਾ ਏ
ਇੱਜਤ ਅਹਤਿਰਾਮ ਇਕ ਅਫਜਲ ਗਹਿਣਾ ਏ ।
“ਪ੍ਰੀਤ ਰੇਖੀ “
Preet Poetry 